LAOAG CITY – Agtultuloy pay laeng ti panangiproseso ti Armed Forces of the Philippines (AFP) a mang-validate iti report nga adda 25 a lugar iti pagilian a target ti hypersonic missile ti China.
Segun ken ni Armed Forces of the Philippines chief of staff Gen. Romeo Brawner awan ti maawawat ti military a report, mainaig iti report a naala ni Senador Imee Marcos.
Mainaig iti daytoy, uray ti intelligence community ket awan ti naawatda a report maipapan iti nasao a banag.
Nupay kasta, kinuna ni Brawner a maki-inummanda iti opisina ti senadora tapno makaalada iti ad-adu pay nga impormasion maipapan iti daytoy.
Kabayatanna, immunan nga inwaragawag ti Armed Forces of the Philippines a saan da a malmaliiten ti nadakamat a report, nupay kasta ket nakasagana ti militar a mangsalaknib iti teritoriotayo ken ti pagilian.
