LAOAG CITY – Dinayaw ti Armed Forces of the Philippines (AFP) ti Atin Ito Coalition kalpasan a balligi a nadanon ti Pag-asa Island ken naikabil ti bandera ti Pilipinas iti Sandy Cay iti West Philippine Sea.
Inbatad ni Armed Forces of the Philippines spokesperson for West Philippine Sea Rear Admiral Roy Vincent Trinidad a pammaneknek daytoy ti natibker a takder dagiti Pilipino ken nalawag a pananggipit iti sovereign rights ti pagilian.
Inbatad ti Armed Forces of the Philippines a ti nakappia a presensia ti grupo iti West Philippine Sea ket mangpappapigsa kadagiti mangngalap ken komunidad a mangnamnama iti lugar kas pagbiaganda.
Inkalintegan ti Armed Forces of the Philippines ti suporta daytoy iti nakappia ken rules-based kadagiti addang a maiyataday iti 2016 Arbitral Award.
Ti maikapat nga Atin Ito mission ket agus-usar ti M/V Felix Oca ken mangipaay ti taraon, fuel, medical outreach ken community concert agingga inton bigat, Mayo 5.
