LAOAG CITY – Naglikudan ti Armed Forces of the Philippines (AFP) ti nagbalin nga alegasyon ni dati nga Ilocos Sur Govenrnor Luis “Chavit” Singson a maipagarop a maus-usr ti sumagmamano a militar tapno protehiran ti interes dagiti pulitiko kabayatan nga ibakbaklay dagiti gagangay a Pilipino ti epekto ti korapsyon kas ti panagngato ti presyo dagiti magatgatang, panagkapuy ti balor ti piso, panaglobo ti utang ti pagilian ken panagbagsak ti foreign investments.
Inbatad ni Armed Forces of the Philippines spokesperson Colonel Francel Margareth Padilla a nagtalinaed a natibker ti armada iti panangsurot iti mandato ti 1987 Constitution, partikular iti probisyon a mangibagbaga a ti ”Civilian authority” ti kanayun nga agpannuray iti militar.
Inpetteng na pay a nupay supsuportaran ti Armed Forces of the Philippines ti adbokasiya para iti nasayaat a panangiwanwan ken laban kontra iti korapsyon, dagiti isyu nga adda ti pakainaigan iti gobierno, government finances, ken pagannurutan iti ekonomiya ket sakop dagiti korte ken civilian oversight bodies, saan ketdi a ti militar.
Maipalagip nga inrakurak ni Singson a maipagarop nga adda dagiti sumagmamano a nangangato nga opisyal ti militar a naikkan ti kwarta, saan a tapno tulungan no di ket pagulimiken.
Ginutigot pay ti dati a gobernador ni AFP Chief of Staff General Romeo Brawner Jr. a tumakder kontra iti korapsyon.
Gapu iti daytoy, nagballag ni Padilla kontra iti panawagan nga iraman ti militar iti partisan politics, a basar iti armada ket mangdadael iti integridad ti institusyon.
