LAOAG CITY – Umabot iti 350 a pamilya ti apektado iti pannakailockdown iti sumagmamano a Sitio iti Barangay 23, Sta. Cecilia iti ili ti San Nicolas kalpasan a nanayunan ti nagpositibo iti virus no sadinno a dagitoy ket dua a menor de edad wenno da IN-C720 ken IN-C721.
Segun kenni Barangay Chairman David Pascua iti nadakamat a barangay, maymaysa ti entrace ken exit point iti nasao a barangay.
Kunana a sipud adda ti nagpositibo iti virus iti barangay da ket uppat a sitio ita ti nakalockdown.
Inbatad na a dagiti nakapulapol dagiti nagposotibo ket dimmalan metten iti swab test.
Iti agdama, umaboten iti 17 nga indibdiwal ti aktibo a kaso iti nasao a barangay.
Ni Pascua ket maysa kadagiti primary contact dagiti ummunan a nagpositibo iti nadakamat a barangay ken negatibo ti resulta ti swab test na ngem masapol nga ileppas na ti panag-quarantine na.
