LAOAG CITY – Nakasublin iti pagtaengan da dagiti amin a naibakwit idi kalman bayat ti iduduprak ti Bagyo Neneng.
Daytoy ti inbatad ni Mr. Jerry Fermin, mangidadaulo iti City Disaster Risk Reduction Management Office ditoy ciudad ti Laoag.
Segun kenni Fermin, sipud pay idi rabii ket nangrugin ti panagsubli dagiti residente iti bukod da a pagtaengan.
Inbatad na nga umabot met iti nasurok kumurang a 6.9 a milyon a pisos ti balor dagiti nadadael iti sektor ti agrikultura ditoy ciudad ken adda dagiti partially damage a pagtaengan.
Kunana nga idi kalman ket adda met ti siyam a narescue da iti Barangay Madiladig, maysa iti Barangay 22 ken maysa met laeng iti Barangay 25 kalpasan a na-trap dagitoy gapo iti panagngato ti lebel ti danom iti karayan bayat ti papan da panangkita kadagiti dingwen ken talon dagitoy.
Dinakamat na nga iti biang ti livestock, saan met a naisalakan dagiti agtartaraken dagiti dingwen da kas iti baka, kalding, manok ken pato.
