LAOAG CITY – Agarop 79 nga aso ken 1 a baboy iti nagpositibo ti rabies iti probisiya sipud idi Enero agingga iti Hunyo ita a tawen.
Daytoy ti inpakaamo ni Dr Joselito Ramiro, veterinarian II iti Provincial veterinary office ditoy probinsya.
Kunana nga iti agdama ket adda iti 11 nga ili nga apektado ti rabies ditoy probinsiya.
Inpakaamo na a kaadoan a nagpositibo ti rabies ket manipod iti ciudad ti Batac, ciudad ti Laoag ken ili ti Paoay.
Gapo iti daytoy inbatad ni Ramiro nga agtultuloy iti pannakabakuna kadagiti aso ditoy probinsiya gapo ta basar iti obserbasyon da, kaadwan kadagiti agpospositibo ket dagiti saan a nabakuaan.
Kabayatanna, inpakaamo ni Dr. Josephine Ruedas iti Provincial Health Officer nga ada iti 2,665 a nairekord da a nakagat ti aso ditoy probinsiya manipod bulan ti enero agingga iti bulan ti marso ita a tawen.
Inlawlawag na nga ita a bulan ket adda iti nainayon a bilang dagiti nakagat ngem awan pay iti pinal a tally da.
Innayon na a manipod iti bilang dagiti nakagat nga indibidwal, addan iti siyam a pimmusay no sadinno a ti kaudian ket maysa a lakay manipod iti ili ti Banna.
Gapo iti daytoy a panagngato ti kaso, naideklara iti local health emergency dtoy probinsiya.
Kabayatanna, segun kenni Ruedas iti agdama kurangen iti supply ti anti-rabies para kadagiti tattao a nakagat isu a kiniddaw na kadagiti tattao a nu awan iti libre a bakuna a masarakan da ket gumatang da pay laeng iti bakuna ti botika ken agbalin a responsible nga agtaraken ti aso.
Inpanamnama pay ni Ruedas nga agsarsarak dan iti mabalin a paggatangan da iti nayon a supply ti anti-rabies vaccine ken maiyururay iti sumangpet a 1,000 vials ti bakuna manipod iti DOH.
Kamaudianan, indawat na kadagiti akin taraken ti aso a nakngkagat ti tao a saan da a sigud a patpatayen wenno itabon tapno maeksamen da daytoy gapo ta inrakurak na nga iti napalabas, dagiti walo nga aso a nangkagat iti 8 nga indibidwal ket pinapatay da sada sinda iti karne na.
