LAOAG CITY – Agarup 100 a Pilipino ti matmatay iti kada aldaw gapu iti tuberculosis (TB), basar iti 2024 Global Tuberculosis Report ti World Health Organization (WHO).
Basar iti report, ti Pilipinas kas maysa kadagiti walo a pagilian nga addaan ti kangatoan a problema iti tuberculosis iti intero a lubong ket addaan ti 739 a ribu a kaso a maipadpadamag iti kada tawen.
Gapu iti daytoy, nagpanawagan ni Senador Christopher “Bong” Go, chairperson ti Senate committee on health kadagiti Pilipino nga ipangpangruna ti nasapa a panagpaagas ken gundawayan dagiti accessible healthcare services nga ipapaay ti gobierno.
Inpettengna dagiti addang a gagem a papigsaen ti panangipadanon ti serbisio medikal.
