LAOAG CITY – Nangiwaras ti National Capital Region Police Office (NCRPO) ti 9,602 a pulis iti intero a Metro Manila tapno siguradoen ti seguridad ken kinaurnos iti White Ribbon March ita nga aldaw ti Domingo.

Maisayangkat ti martsa iti EDSA People Power Monument idiay Quezon City. Inorganisar daytoy dagiti religious ken civil society groups iti panangidaulo ti Interreligious Leaders Council for National Transformation (IRCNT) tapno ilungalong ti reporma iti eleksion, dakdakkel a pagsungsungbatan iti gobierno ken lappedan ti korapsion ken political dynasties.

Manamnama a maaddaan ti kapada dagiti aktibidad iti dadduma pay a paset ti pagilian.

Inbatad ni Kidapawan Bishop Colin Bagaforo a mabalin nga agatendar dagiti pulitiko aniaman ti pakaibilanganda a partido ngem saanda nga ipalubos nga agsarita iti programa.

RELATED ARTICLESMORE FROM AUTHOR