LAOAG CITY –Nagaplikar ti 4 nga gurpo ti rally permits a maiwayat idiay Quezon City bayat ti maikalima nga State of the Nation Address (SONA) ni Presidente Ferdinand “Bongbong” Marcos Jr. inton Hulio 27 iti Batasang Pambansa.
Segun ken ni National Capital Region Police Office (NCRPO) spokesperson Police Major Hazel Asilo a saanda pay a mabalin nga ibutaktak no siasinno dagiti nasao a grupo a nangideklarar ti intensionda a mangiwayat ti protesta inton aldaw ti State of the Nation Address (SONA).
Innayon pay ni Asilo a nakaplano dan para iti nasao nga aldaw pakairamann ti pannakairikep dagiti dalan ken ti alternatibo a dalan dagiti motorista para iti naiget a security protocols.
Kabayatanna, addaan ti 20,000 a kameng ti National Capital Region Police Office (NCRPO), support units, ken dadduma pay nga ahensia ti mabilin para iti naiget a panagbantay.
