LAOAG CITY – Naruay nga aktibidad ti insayangkat ti gobierno lokal iti ili ti Pagudpud bayat iti selebrasyon ti maika-71 a founding anniversary da idi kalman, Pebrero 14, kagiddan ti Valentine’s Day.
Karaman kadagiti naisayangkat nga aktibidad ket ti job fair, one stop shop, ken distribusyon iti egg laying project iti Department of Labor and Employment (DOLE).
Segun ken ni Miss Jennylyn Martin iti Department of Labor and Employment, ti nasao a proyekto ket kiddaw ti 16 a livestock association iti nasao nga ili.
Naamoan a ti kada asosasyon ket maikkan ti uppat a cage ti manok a naglaon ti 48 iti kada cage.
Innayon na nga umabot iti 2.5-milyon a pisos ti naigatang para iti nasao a proyekto.
Immunan nga indeklarar ni Presidente Ferdinand Marcos Jr. ti Pebrero 14, 2025 kas special non-working day iti ili ti Pagudpud.
