LAOAG CITY – Agtultuloy ti naiget a panagmonitor ti Philippine National Police (PNP) kadagiti menor de edad nga agiturturong ti motorsiklo idiay Badoc, Ilocos Norte.
Daytoy ti inbatad ni Police Inspector Noli Alejandro, ti chief of police iti ili a Badoc.
Maragsakan ni Alejandro gapu a manmanmo laengen dagiti mamonmonitor da a menor de edad nga agiturturong ti motorsiklo idiay ili ti Badoc.
Inlawlawag na a dagiti mamonmonitor da a menor de edad nga agiturturong ti motorsiklo ket adda ti mangas-asistir kadakuada a nagannak wenno nataengan nga adda ti lisensya na.
Mamati ni Alejandro nga eepekto daytoy dagiti napaspasamak a desgrasya iti kallabes a nakainaigan dagiti menor de edad.
