LAOAG CITY – Kinumpirmaran ni Dr. Joan Corpuz OIC iti Dept. of Education Divison ti ciudad ti Batac nga adda dua nga ubbing a naggapu idiay Marawi City iti nag-enroll iti maysa kadagiti elementary school iti nasao a ciudad.
Kuna ni Corpuz nga adda simmurutan dagiti dua nga ubbing a kabagian da iti nasao a ciudad a poon iti kaadda da ita iti nasao a lugar.
Kuna na nga iti Hilario Valdez Memorial Elem. School iti nag-enrolan dagiti agkabsat.
Naamuan ni Corpuz a narigat ti biag idiay Marawi City sipud nangrugi ti gubat iti nagbetan dagiti tropa ti gobyerno ken ti Maute-ISIS Group.
Mainaig iti daytoy, inmandar ni Corpuz a ti mausar a pagsasao iti klase dagiti agkabsat ket tagalog tapno maawatan da.