LAOAG CITY – Kinumpirmaran ni Barangay Chairman Froilan Agamanus iti Barangay Lubnac iti ili ti Vintar a pimmusay ti agtawen ti 94 a baket a positibo iti antigen test.
Segun kenni Agamanus, ti baket ti nabayagen a naka-isolate iti pagtaengan da.
Inbatad na a kalpasan ti pimmusay ti baket ket dagus met a naipacremate iti ciudad ti Vigan.
Mainaig iti daytoy, kuna ni Agamanus a dagiti contact ti baket ket nagpositibo met iti covid-19.
Naamoan a ti Barangay Lubnac ti kangatoan ti kaso ti covid-19 nga umabot iti 32 ken manipud iti daytoy ket 16 ti aktibo a kaso.
