LAOAG CITY – Natay ti maysa nga ubing gapu ti sakit a dengue iti Barangay Cataban ditoy ciudad ti Laoag.
Binigbig ni Doctor Renato Mateo iti City Health Office (CHO) ditoy ciudad ti Laoag ti biktima a ni Aythana Brielle Almarez Taclibon, agtawen ti innem ken residente iti nasao a barangay.
Inbatad ni Mateo a basar iti imbestigasyon da ket naladawen idi naipan iti ospital ti biktima.
Innayon ni Mateo nga iti panagturong da iti balay ti biktima ken iti pages-eskwelaan na ket ado dagiti nakita da a naur-urnung a danom ken dadduma pay mabalin a pagumukan dagiti lamok a carrier ti sakit a dengue.
Kinumpirmaran pay ni Mateo nga umaboten ti 118 a kaso ti dengue ditoy ciudad ti Laoag sipud idi enero agingga iti daytoy a bolan ti hulyo ita a tawen.
