LAOAG CITY – Nagtalinaed nga awan ti poot ti agtawen iti nasurok a maysa nga ubing a babai iti Mariano Marcos Memorial Hospital and Medical center iti ciudad ti Batac kalpasan a nahit-and run iti maysa a kotse idiay Barangay Pias Sur, Currimao, Ilocos Norte.
Daytoy ti Police Capt. Michael Permison, ti chief of police iti ili ti Currimao.
Inbatad ni Permison a basar iti inisyal nga imbestigasyon da ket bimmallasiw ti lola ti biktima iti kalsada, ken saanna nga ammo a simmaruno kenkuana ti apoko na.
Segun kenkuana, nagsardeng dagiti lugan ngem kellaat lattan nga adda iti napardas a puraw a kotse a nag-overtake a nakadungparan na ti biktima a ni Tricia Mae Estavillo.
Mabalin nga inpagarop ti nangiturong ti lugan nga aso laeng ti nadungpar na isut gapuna nga intarayan na daytoy.
Iti agdama, kuna ni Permison a manarimaan ti panangrebisar da kadagiti CCTV a naimuntar iti lugar ken mangnamnama da a makatulong dagitoy tapno mabigbig ti agtagikua ti nasao a kotse.
Kabayatanna, nagpanawagan ni Permison iti nangiturong ti kotse a nakadungpar ti nasao a biktima a mapan laengen sumuko iti PNP.
Binalakadan na met dagiti nagannak a bantayan da a naimbag dagiti annak da kangrunaan na dagiti agnaed iti igid ti kalsada.
