LAOAG CITY – Inbatad ni Pltcol. Adrian Gayuchan, chief of police iti Philippine National Police iti ili ti Batac nga agtultuloy pay laeng ti pannakaiwayat ti naununeg nga imbestigasion kalpasan kalpasan a napaltu-paltugan ti masya a lalaki iti Brgy. San Mateo iti nadakamat a lugar idi Hunio 5.
Segun kenkuana, iti agdama ket mannarimaanen ti panag-reviewda kadagiti closed-circuit television footage a nakaimuntar iti nakapasamakan ti insidente.
Inpakaammo na nga adda dagiti person of interest a makitkitada ngem saan pay laeng daytoy mabalin nga ipublikar.
Innayonna a saanpay a nakumpirmaran ti alegasion a maipagarup a love trisngle ti rason iti napasamak nag krimen.
Maipalagip a natay ni ti biktima a ni Marlo Arconado y Borja, agtawen ti 44, naasawaan, empleado iti MKL general merchandise ken residente iti Brgy. San Pedro iti siudad ti Batac.
Basar iti report, iti oras ti ala-siete kinse iti rabii idi Hunio 5 ket nakaawat dagiti kameng ti Philippine National Police iti report manipod iti maysa a concerned citizen seknan ti napasamak a pammaltog iti Batac-Banna road, bisinidad iti Brgy. San Mateo iti nasao a ciudad.
Dagus a nagresponde dagiti kameng ti pulisya iti panangidaulo ni Police Capt. Dondon Dumalag.
Iti imbestigasyon, bayat ti panangiturturong ti biktima ti tricycle na kadwa na ti asawa na ket pinalto-paltogan ti saan pay a nabigbig a nakamotorsiklo.
Naamoan a kinabaelan paylaeng ti biktima nga inpaigid ti tricycle na ken dagus a nagkiddaw ti tulong ti asawa na.
Naitaray ti biktima iti Mariano Marcos Memorial Hospital and Medical Center babaen kadagiti kameng ti City Health Office para iti naan-anay a pannakataming na ngem indeklarar ti attending physician a ni Dr. Michael Angelo Agra a dead on arrival.
Iti agdama, agtultuloy ti panangiyus-uswat ti imbestigasyon dagiti otoridad para iti pakabigbigan ti suspek ken no ania ti motibo iti napasamak a krimen.
