LAOAG CITY – Naan-anayen a naka-move on ni Ai Ai delas Alas kalpasan ti panagsinada ken ni Gerald Sibayan.

Iti maysa nga online post, nagyaman ti komediante kadagiti pagayam ken pamiliana a simmuporta kenkuana iti baet ti pannubokna.

Kinumpirmaran met ni delas Alas nga inbabawin ti U.S. Citizenship and Immigration Services (USCIS) ti green card petition para ken ni Sibayan.

Maipalagip a nagsina ti dua idi Oktubre 2024 kalpasan ti pito a tawen a panagdennada kas agasawa.

Mamati ti actress comedian nga adda ti third party iti panagsina dagitoy.

Iti baet ti panagsinada, determinado ni Ai-Ai a sangoen ti baro a yugto ti panagbiagna nga adda ti namnama ken panagyaman.