LAOAG CITY – Na-accredit ti Level 1 Adolescent-Friendly Health Facility ti City Health Office ditoy siudad ti Laoag.
Daytoy ti inpakaammo ni Dr. Rodrigo Catcatan, mangidadaulo iti City Health Office.
Segun ken Dr. Catcatan, daytoy ket manipud iti Department of Health babaen ti panang-accredit ni Dr. Rickson Balalio, Provincial Health Officer II.
Inbatadna a ditoy a nasurot amin ti City Health Office dagiti proseso para iti pagsayaatan ti salun-at dagiti agtutubo.
Inlawlawagna a manarimaan ti pannakaiproseso para iti Level 2 kas panagsagsagana para iti panagbalinna a Primary Care Facility.
Inpanamnamana ti ad-adda pay a napinpintas a serbisio medikal para kadagiti umili ditoy siudad ti Laoag.
