LAOAG CITY – Umabot iti 178 a kaso ti dengue ti nairekord ti City Health Office ditoy ciudad ti Laoag ita a tawen.
Segun ken ni Dr. Rodrigo Catcatan, ti mangidadaulo iti City Health Office ditoy ciudad ti Laoag, ti datos ket manipod iti Enero agingga iti umuna a lawas ti Setyembre ita a tawen.
Inbatad ni Catcatan nga addan ti panangibilin na kadagiti Barangay Health Workers nga ipatungpal da ti 4T’s strategy wenno ti makunkuna a “Taob, Taktak, Tuyo ken Takbo” ti Department of Health kontra iti dengue.
Mainaig iti daytoy, kuna ni Dr. Catcatan nga awan pay ti nairekord a pimmusay gapu iti dengue ditoy ciudad ti Laoag.
