LAOAG CITY – Manarimaan ti panangkita wenno panangbirok ti lokal a gobierno ditoy suidad ti Laoag iti lokasion a pangipasdekan iti Super Rural Health Unit wenno Super RHU iti suidad.
Segun ken ni Dr. Rodrigo Catcatan, mangidadaulo iti City Health Office ti suidad, a ti lokasion a birbirokenda ket asideg iti central terminal.
Kunana a daytoy ti makita ni Mayor James Bryan Alcid nga asideg iti sentro a pangipatakderanda iti nasao a pasdek.
Inlawlawag ni Catcatan a saan a maiyakar iti central terminal no diket adda lang ti pasetna daytoy nga isu iti pangipatakderanda.
Innayonna nga awan pay pinal nga aldaw no kaano ti rugi ti panangipatakder iti Super Rural Health Unit wenno Super RHU ngem no ibilang man a maipatakder daytoy ket dakdakkel manen a tulong kadagiti umili ti suidad gapu ta ad-adda a maiyasideg kadagitoy ti serbisio medical.
