LAOAG CITY – Nagdoble ti kalawa ti namulaan ti tabako iti ili ti San Nicolas ita a tawen.
Segun kenni Mayor Edmar Bingbong Bonoan iti ili ti San Nicolas, dati ket 40 nga ektarya laeng ti mamulmulaan iti napalpalabas a tawen ngem ita ket umaboten iti 80 nga ektarya.
Kunana a daytoy ti rason no apay nga adda dagiti farm equipments a magatgatang ti ili para kadagiti mannalon.
Innayonna a kalikagom na pay a manayunan dagiti naipaay a solar water pump kadagiti sumagmamano a gunglo ti mannalon.
Mainaig iti daytoy, inpakaammo ni Mayor Bonoan nga umabot iti 38-milyon a pisos ti Republic Act 7171 ti ili ti San Nicolas.
