LAOAG CITY – Natukkol ti akin-kannigid a saka ti maysa a baro kalpasan a naidungpar ti nagluganan na a motorsiklo iti maysa a kotse iti paset ti Sitio Dilavo, Barangay Davila iti ili ti Pasuquin.
Daytoy ti kinumpirmaran ni Barangay Chairman Elviro Agoo iti nasao a barangay.
Inbatad na a basar iti imbestigasyon, kabayatan ti panagatras ti kotse nga aggapo iti restaurant ket ditoy metten a nadungpar ti motorsiklo.
Gapu iti kinapigsa ti pannakaidungpar ti motorsiklo iti kotse ket nagresulta ti pannakatukkol ti akin-kannigid a saka ti driver nga agtawen ti 18.
