LAOAG CITY – Naragsak nga inburay ti aktres a ni Louise delos Reyes a daytoy ket engaged iti longtime non-showbiz a nobiona a ni Jino.
Iti online account-na ket nangiburay ti aktres dagiti ladawan ti engagement ti dua.
Makita nga adda ti suot nga engagement ring ti aktres kabayatan a kainnarakop ti nobiona.
Naiyuswat ti nasao nga engagement idiay Hilton London Syion Park a nagbakasionanda.
Naammoan a sumurok innem a tawen a nagkarelasion ti dua sakbay ti engagement.
Nagsasaruno met ti panangkablaaw dagiti kakaduana iti showbiz kalpasan a naammoanda ti napintas a damag.
