LAOAG CITY – Manamnama nga imbitaran ti Senate Blue Ribbon Committee da Senator Alan Peter Cayetano ken ni Philippine Television Network General Manager Lino Cayetano iti naikeddeng a panagdenggeg mainaig kadagiti “ghost” flood control projects iti Taguig City.
Segun ken ni Senate Blue Ribbon Committee chairperson Senator Erwin Tulfo, ti dati nga alkalde ti Taguig manipud 2019 agingga 2022 a ni Lino Cayetano ti nagkiddaw a paimbestigaran dagiti flood control projects iti lugar a naipatungpal manipud 2022 agingga 2025 a maipagarup naggatad ti P6 billion.
Mainaig iti daytoy, maipalagip a naglikudan ni Sen. Cayetano dagiti alegasion nga adda ti ghost flood control projects iti Taguig.
Kabayatanna, manamnama ti panangituloy ti Senate Blue Ribbon Committee ti imbestigasion iti maipagarup anomalia iti nadakamat nga isyu inton malpas ti State of the Nation Address (SONA) ni Presidente Marcos Jr. inton Hulio 27.
