LAOAG CITY – Nagballigi ti bronze medal ti Alas Pilipinas U18 Women iti 22nd Princess Cup Southeast Asian Under-18 Women’s Volleyball Championship.
Daytoy ket kalpasan nga inabakda ti Australia, 25-13, 25-21, 25-20 iti ay-ayam a naiyuswat iti Nakhon Pathom Gymnasium idiay Thailand.
Iti babaen ni rookie Japanese coach Taka Minowa ket naartapan ti Alas Pilipinas ti dati a fourth place record ti dati a national youth team.
Dominado ti Alas ti ay-ayam iti umuna a set agingga nga agapaman a nakakamat ti Australia iti second set ngem saanda nga inpalubos a makakamakam pay ti Australia.
Indauloan iti panangabak ti Alas ni Jia De Guzman ken Angel Canino nga isuda met ti nagbalin a tulbek iti bronze medal win ti koponan iti AVC Challenge Cup iti napalabas a bulan idi abakenda ti Australia.
