LAOAG CITY – Inpakammo ni Ms. Imee Nicolas, ti pannakangiwat iti School Division Office (SDO) Laoag a nakasaganadan para iti pannakaiyuswat ti Brigada Eskwela a maiwayat ita nga aldaw, Hunio 1.
Inbatadna nga ita nga aldaw ti kick-off iti nagduduma a pagadalan kangrunaan iti Siazon Elementary School len Lapaz Elementary School.
Seggun kenkuana, namnamaenda ti pannakipartisipar dagiti personnel ti Department of Education (DepEd), nagannak, ken empleado ti gobierno manipud iti nagduduma nga ahensia.
Malaksid iti daytoy, ginutigotna pay iti publiko a makipagpaset ti Brigada Eskwela 2026 tapno masigurado a nakasagana dagiti pagadalan sakbay a mangrugi iti klase inton Hunio 8.
