LAOAG CITY – Makadua ti Filipino tennis star a ni Alex Eala ti tennis legend a ni Venus Williams iti doubles draw ti Bad Homburg Open basar iti report ti Tennis Channel.
Kadua met da Eala ken Williams ti German player a ni Eva Lys a naikkan ti main draw wildcard iti singles competition ti WTA 500 tournament a maisayangkat iti Bad Homburg, Germany.
Para ken ni Eala nga agtawen ti 20, maysa a naisangsangayan a gundaway a makadua iti maymaysa a koponan ni Williams, maysa a pito a daras a Grand Slam singles champion ken ibilang a maysa kadagiti kalalaingan nga umaayam iti pakasaritaan ti tennis.
Saan daytoy ti umuna a daras a makasango ni Eala ti pamilia Williams iti court.
Idi Enero, inabak da Eala ken Iva Jovic ti panagkadua da Venus Williams ken Elina Svitolina iti Round of 16 ti ASB Classic.
Kabayatanna, rinugianen ni Eala ti grass-court season iti WTA 125 Birmingham Open ken naikeddeng a makipaset pay isuna iti doubles event kaduana ti Czech player a ni Nikola Bartunkova.
