LAOAG CITY – Adda pay ti maysa a torneo a pakilabanan ni Pinay tennis star Alex Eala sakbay ti isasabak na iti French Open.
Naituding nga agay-ayam ni Eala iti Internationaux de Strasbourg a maiyuswat mangrugi intono Mayo 17 agingga iti Mayo 23 idiay France.
Adda paylaeng iti qualifying round ti agtawen ti 20 a Pinay iti WTA 500 event nga ibilang na kas warm-up sakbay ti French Open a maiyuswat intono Mayo 24 agingga iti Hunyo 7.
Ti Strasbourg tournament ket pakairamanan ti 28 a player singlesmain draw a nangrugi idi 1987.
