LAOAG CITY – Agsentro iti atension ni Alex Eala iti grass season no sadinno a sumagmamano a torneo ti pakipasetanna sakbay a lumaban iti grand slam event a Wimbledon idiay London, England.
Nalpasen ti season ni Eala iti clay kalpasan a nasapa a naabak iti French Open idiay Paris, France.
Nakapasar ni Eala ti 4-6, 2-6 a pannakapaay kontra iti pagayamna a ni Iva Jovic ti Amerika iti first round ti singles.
Saanen a nagay-ayam ni Eala iti doubles no sadinno a kapada koma daytoy ni Victoria Mboko ti Canada.
Nag-withdraw da Eala ken Mboko iti doubles ti French Open ngem awan pay ti nalawag a rason.
Gapu iti daytoy, tutukan ni Eala ti panagsagsaganana para iti grass season mangrugi inton sumaruno a lawas.
Umuna a makilaban ni Eala iti Birmingham Open a maisayangkat inton Hunio 1 agingga 7 idiay Birmingham, England.
