LAOAG CITY – Naminsan manen a nakagun-od ti baro a career-high ranking ni Pinay tennis star a ni Alex Eala.
Iti naiparuk-at a world ranking ti Women’s Tennis Association (WTA) ket adda iti maika-31 a puesto ti agtawen ti 20 a ni Eala.
Nagbalin a dakkel a tulong ti panagngato iti puesto ni Eala iti kampania daytoy iti WTA 1000 Dubai Tennis Championships no sadinno a dimmanon daytoy iti quarterfinals.
Immuna a nagun-od ni Eala ti career-best Number 40 ken kalpasan ti maysa a lawas ket bimmagsak daytoy iti Number 47.
Agsagsagana ita ni Eala kadagiti sumagmamano a torneo kas ti Indian Wells ken Miami Open.
Mangrugi ti BNP Paribas iti Indian Wells manipud inton Marso 4 agingga iti 15 idinto a ti Miami Open ket mangrugi manipud inton Marso 17 agingga iti 29.
