LAOAG CITY – Napintas ti panagrugi ti laban ni Alex Eala iti WTA 1000 Cincinati Open kalpsan ti panangabakna ken ni Elena-Gabriela Ruse, 6-1, 3-0 iti Round of 64 no sadinno ket nag-concede ti Romanian player iti katengngaan ti labanda gapu iti sinagabana nga injury.
Gapu iti daytoy, nakastreken ti Filipina tennis star a ni Alex Eala iti Round of 32.
Iti ay-ayam, narigatan ni Eala iti umuna a paset ti labanda no sadinno ket dinominar ni Ruse dagiti umuna a minutos ti ay-ayam.
Mainaig iti daytoy, impakita ni Eala ti laingna babaen ti panagsungbatna dagiti tunggal palek ni Ruse.
Iti sumaruno a paset ti laban, nagtultuloyen a naala ni Eala ti rhythm-na rason tapno maalana ti alisto a lead 3-0.
Kabayatanna, iti katengngaan ti maika-dua a set, nag-request ni Ruse ti medical timeout. Naituloy ti laban kalpasan ti nasao a medical timeout ngem naitantan manen gapu iti panagkimat ken panagtudo iti court.
Manamnama ti panagtuloy ti laban kalpasan ti maysa nga oras a pannakasuspenso ngem ditoyen nga immatras ni Ruse iti labanda.
