LAOAG CITY – Nagleppasen ti Canadian Open doubles journey da Alex Eala ken Venus Williams kalpasan ti pannakaabakda kontra kada Liudmila Samsonova ken Miyo Kato iti iskor a 6-4, 63, iti agtultuloy pay laeng a Canadian open round of 32 idiay Toronto.
Dagiti Filipino-American tandem ket narigatanda a maka-iskor kontra kadagiti Russian-Japanese duo kalpasan ti pannakaabakda iti nagsaruno a set.
Nupay ti crowd ket nakasentro kada Eala ken Williams, saan nga inpalubos da Samsonova ken Kato nga agpaapektarda iti crowd.
Gapu iti daytoy naglepassen ti laban ni Williams iti torneo kalpasan a naabak pay daytoy iti singles match kontra ken ni Kamila Rakhimova iti Round of 128 ken idinto a ni Eala ket agsubli iti center court para iti manamnama a labanna kontra ken ni Caty McNally iti third round ti singles match.
