LAOAG CITY – Naiserbian ti baro a warrant of arrest ni dati a Bamban, Tarlac Mayor Alice Guo mainaig iti tallo a bilang ti panaglabsing iti Republic Act No. 3019 wenno ti Anti-Graft and Corrupt Practices Act.
Ti nasao a warrant ket inparuk-at ti Pasig Regional Trial Court Branch 67 ken karaman iti kaso ti 11 pay nga indibidual.
Mainaig iti daytoy, naisyuan dagitoy ti P90,000 a piansa para iti tunggal bilang dagiti kaso a sangsangoenda.
Iti agdama, nakabalud ni Guo iti Correctional Institution for Women iti Mandaluyong City kalpasanna a nausig kas guilty ti Pasig court iti kaso a qualified human trafficking ken nasentensiaan ti reclusion perpetua wenno life imprisonment.
