LAOAG CITY – Madandanagan dagiti residente agraman dagiti Pilipino idiay New York kalpasan ti panagpabettak iti Port Authority terminal.
Segun kenni Ms. Layne Fable, agnanaed idiay New York City, uppat ti nasugatan ken dagus a naitaray da iti ospital.
Kuna na a saan a nakana ti sinagaba da a sugat ken adayo nga ipatay dagitoy.
Inbatad ni Fable a posible nga terorista akin aramid gapu ta kangruaan no adda ti panagpabettak kas iti napasamak ket awagan da daytoy ti “terror attack”.
Segun kenni Fable, maysa a suspek ti ninsegida a natiliw dagiti otoridad.
Innayon na a nagpalagip dagiti otoridad kadakuada ken kadagiti Pilipino a saan da nga agturong iti natao a lugar kalpasan ti panagpabettak.
