LAOAG CITY – Inpetteng ni Irish Prime Minister Micheál Martin a saan a nakaaawat a dagiti Irish citizens a nakipaset iti aid flotilla iti Gaza ket kinidnap ken inbalud ti Israel.
Basar iti report, karaman kadagiti 12 nga Irish citizens nga inbalud ti Israel ket ni Dr. Margaret Connolly, ti kabsat ni Irish President Catherine Connolly.
Basar kadagiti flotilla organizers, adda ti 10 a bangka manipod iti 60-vessel convoy ti na-intercep iti international waters ken nagluganan ti Israeli forces.
Mainaig iti daytoy, inkalintegan ni Israeli Prime Minister Benjamin Netanyahu a ti panagraot ket epektibo a pang-neutralize iti malisyoso a plano a nadisenyo tapno buraken ti isolation nga inpataw da kadagiti Hamas terrorists iti Gaza.
Nupay kasta, inpetteng ni Irish President Connolly, nga agdama nga adda iti three-day visit idiay England, a ti insidente ket “quite upsetting” kagiddan ti panangibaga na a maipanakkel na unay ti kabsat na a ni Dr. Margaret Connolly iti baet a dakkel ti panagdanag na para kenkuana.
