LAOAG CITY – Kinumpirmaran ti acting US Navy Secretary a natantan paylaeng ti plano a panaglako kadagiti armas ti Estados Unidos iti Taiwan.
Segun ken ni acting secretary Hung Cao, isardeng da payleng ti panangipaay ti $14 billion a balor dagiti armas a ginatang ti Taiwan tapno masigurado nga adda ti umdas a munitions ti US military para iti “Epic Fury” operation iti Iran.
Inlawlawag pay ti US official nga agtultuloy dagiti panaglako da ti kagamitan ti militar iti Taiwan no maibilang a kasapulan daytoyen ti administrasyon ni US President Donald Trump.
Iti agdama, saan pay a nangiparuk-at ti opisyal a rakurak ti US State Department ken Pentagon mainaig iti nagbalin a komento ti acting secretary.
