LAOAG CITY – Immapela ni US Secretary of State Marco Rubio iti international action tapno isardeng ti panang-suplay ti armas iti Sudan’s paramilitary Rapid Support Forces (RSF), a maak-akusaran nga adda iti likudan ti mass killings iti el-Fasher.
Iti panagngudo ti G7 foreign ministers meeting idiay Canada, inbatad ni Rubio a ti Rapid Support Forces ket nakaaramid ti systematic atrocities, pakairamanan ti murder, rape ken sexual violence kontra kadagiti sibilyan.
Ummuna iti daytoy, inakusaran ti armada ti Sudan ti United Arab Emirates a mangipapaay ti armas ken mercenaries iti Rapid Support Forces babaen iti African nations.
Nupay kasta, agpada a naglikudan ti United Arab Emirates ken ti Rapid Support Forces ti nasao nga alegasyon.
Ti Rapid Support Forces ket makilablaban iti Sudanese army sipud pay idi April 2023, kalpasan nga adda ti pasamak kadagiti lider agingga a nagtennag iti all-out civil war.
