LAOAG CITY – Tiniliw dagiti kamkameng ti United States Drug Enforcement Agency ti maysa a family doctor idiay Big Island, Hawaii
Segun ken ni Bombo International Correspondent Manny Pascua, nabigbig ti doctor a ni Dr. Ernest Bade agtawen ti 82.
Kuna ni Pascua, natiliw ni Bade gapu iti sobra-sobran a panagreseta na kadagiti “pain reliver’ nga agas kadagiti pasyente na.
Naamuan a kalpasan a naamuan ti US Drug Enforcement Agency ti alegasyon ken ni Bade ket naiget a sinipsipot da daytoy.
Rumrunmuar nga iti uneg ti 24 a bulan ket nakapagreseta ti Doctor ti 10 a ribo a pills kadagiti pasyente iti nasao nga isla nga adda Pilipino.
Segun kadagiti dodoctor idiay Hawaii a ti nalabes a panagtrumaar iti “pain reliever”ket maiyarig a naka-shabu.
Maibilang kadagiti iresreseta ni Dr. Bade a pain reliever ket methadone, oxycodone ken morphine.
Iti agdama ket nakabalod ni Dr. Bade iti Federal Detention Center idiay Honolulu ken maiwayat ti preliminary hearing na inton Oct. 30.
