LAOAG CITY – Na-acquit ni Juanito Remulla III, anak ni Justice Secretary Jesus Crispin Remulla iti kaso na nga illegal drug possession babaen iti Las Piñas Regional Trial Court Branch 197.
Basar iti impormasyon, saan a guilty ni Remulla III iti nadakamat a kaso na.
Segun kenni Atty. Pearlito Campanilla, maysa kadagiti counsel ni Remulla III, na-acquit ti kliyente na gapo iti isyu ti chain of custody kadagiti ebidensya.
Inlawlawag na nga iti affidavit of arrest ken iti testimonya a mismo dagiti PDEA agent, inadmitir da nga idi simmangpet ti parcel iti pagtaengan ni Remulla ket saan na a ninamnama.
Kunana nga idi sinaludsod na no am-ammo ni Remulla ti shipper a ni Benjamin Hopman ket insungbat na a saan na nga am-ammo ti maseknan.
Inbatad ni Campanilla a nangipakita ni Juanito ti ID nga addaan it nagan a “Juanito Jose Remulla III” idi inawat na ti package, idinto nga iti shipping form ket addaan ti nagan a “Jose Juanito Remulla”
Naamoan a daytoy pay ket sumangsango iti reklamo iti importation ti dangerous drugs ken panaglabsing iti Customs Modernization and Tariff Act iti Pasay City Prosecutor’s Office.
Maipalagip a ni Ni Juanito ket natiliw kabayatan ti delivery operation babaen ti Philippine Drug Enforcement Agency ken ti Ninoy Aquino International Airport Inter-Agency Drug Interdiction Task Group iti Talon Dos, Las Piñas idi October 11.
