LAOAG CITY – Inlawlawag ti dati nga aktres a ni Andi Eigenmann a saan pulos a nag-cheat kenkuana ti fiancé-na ken Siargao-based surfer a ni Philmar Alipayo.
Inaramid ni Andi ti palawag kageddan ti sumagmamano a serye nga arig cryptic IG story-na a nangitunda ti spekulasion ti panagsinada.
Iti inburay nga IG story ni Andi, nangipaay isuna ti nalawlawag a konteksto kadagiti immuna a post-na ken kinunana a daytoy ket maysa a pagayamna a babai ti nangluko kenkuana a saannan nga innaganan pay.
Kunana a no agkadua ti fiancé ken ti nasao a babai ket adda met isuna.
Inpalgak ni Andi ti panag-post daytoy iti isyu gapu ta trinaydor ti nasao a tao nga al-allukoyenna ti fiancé-na a makisina kenkuana no adda ti panagririda a dua.
