LAOAG CITY – Inaprubaranen ti Sanguniang Panlalawigan ti Anti-Littering Ordinance.
Iti baet nga addan ti kastoy a paglintegan iti national ket ad-adda pay a mapaigetan ditoy probinsya babaen ti inaprubaran nga ordinansa ti SP.
Gagem ti nadakamat nga ordinansa ket tapno maliklikan ti panagiwarang lattan ti basura iti sadinno man a lugar ditoy probinsya.
Naipalaon iti ordinansa a siasinno man a maduktalan nga agiwarang lattan ti basura ket mapatawan ti pannusa.
Mamati dagiti maseknan a babaen ti nasao nga ordinansa ket makatulong tapno mapagtalinaed a nadalos iti aglawlaw.
