LAOAG CITY – Nagpalagip ti komedyante a ni Candy Pangilinan para kadagiti hardworking parents, aglalo kadagiti adda ti anak na a karaman iti autism community.
Kuna na a saan a liplipatan ti aginana ken aganges paylaeng no makarikna ti nakaro a pannakabannog ken saan pulos a sumuko.
Inadmitir na a makabannog ti agbalin nga ina aglalo kadagiti adda ti anak na a karaman iti autism community a kas kenkuana.
Inpetteng na nga uray saan nga ina ken mabanbannog gapu ta kas maysa a tao ket gagangay nga adda ti pannakabannog na.
Innayon na a para kadagiti inna a makapaspasar ti mom guilt tunggal aginana, saan a liplipatan a kasapulan met ti bagi ti aginana tapno ad-adda a mataripato a nasayaat ti pamilya aglalo ti anak.
Maipalagip a ti anak ni Candy a ni Quentin ket addaan ti Autism spectrum disorder (ASD).
