LAOAG CITY – Inbatad ni Mr. Danver dela Cruz, presidente dagiti mannalon it Brgy. San Marcelino iti ili ti Dingras a napintas ti apit nga irik ita a tawen ngem nababa ti presyo.
Kuna na a malidayan iti daytoy a sitwasyon agsipod ta ado dagiti gastos ti mannalon nu kasta a panagtatalon.
Inpakaaamo na a dagiti kaap-apit nga irik ket mailako laeng iti P12-P12.50 idinto a ti nabayo wenno “ready to meal” ket P16-P16.50 ken mabalin pay a bumaba.
Inbunannag na a mapatta-patta nga umabot iti 30 agingga 35 a ribo a pisos ti magastos iti maysa nga ektarya a matalon isut gapu na a dakkel ti pukaw dagiti mannalon nu agtultuloy a nababe ti presyo.
Mainaig iti daytoy, nagpanawagan ni dela Cruz kadagiti opisyal ti gobierno nangruna ditoy probinsya a maikkan ti atensyon ti presyo ti irik tapno matulungan dagiti kakailian a mannalon.
Innayun na a daytoy laeng pay ti klase ti pagsapulanda iti inaldaw isut gapu na a nasken a maaksyunan.
