LAOAG CITY – Nanayunanan manen ti bilang dagiti lugar nga areas of concern a bambantayan ita ti Commission on Elections (Comelec) gapu kadagiti insidente a nairekord mainaig iti eleksion.
Sumagmamano kadagiti nainayon nga indeklara ti Commission on Elections nga areas if concern ket manipud iti Panay Island ken Negros Island.
Siam a lugar iti Iloilo ti naiget a banbantayan ti Commission on Elections pakairamanan ti ili ti Calinog a naikabil iti red category gapu kadagiti napalabas a kaso ti election violence a nairekord, idinto a dua met a lugar iti Capiz, maysa iti Antique ken lima iti Negros Occidental.
Gapu iti daytoy, umaboten iti 40 a lugar ditoy pagilian ti naikabil iti sidong ti areas of concern ti Commission on Elections.
