LAOAG CITY – Mapukaw ti dagiti astronaut ti Artemis II mission iti oras a lumabes ti spacecraft da iti likud ti bolan intono tengnga ti rabii iti oras ti alas-12:47
Gapu iti posisyon ti bolan, saan a makadalyasat ti radio ken laser signals mikonektar kadakuada iti mission control idiay Houston, Texas.
Iti uneg ti sumuruk-kumurang nga 40 a minuto, agtalinaed nga awan ti contact ti uppay astronaut kabayatan ti panagdalyasat iti kasipngetan iti law-ang.
Segun ken ni pilot Victor Glover, iti daytoy a kanito ket mabalin a maaddaan ti gundaway par iti lubong nga agkaykaysa ken mangipatulod ti kararag ken nasayaat a panagpanpanunot para iti natalged a panagsubli iti komunikasyon.
Nasuruken a 50 a tawen ti napalabas idi napasaran met dagiti Apollo astronauts ti kastoy nga isolation.
Kalatakan ditoy ni Michael Collins ti Apollo 11, a nabati iti command module idinto a da Neil Armstrong ken Buzz Aldrin ket nagna iti lunar surface.
Iti uneg ti 48 a minuto, naan-anay a napukaw ti contact ni Collins iti Earth ke dagiti kakadwa na, nga inladawan na iti memoir na a narikna na ti panagbalin na a “truly alone” ngem naan-anay a kinaulimek.
Iti agdama, naiget ti panangsubaybay ti Goonhilly Earth Station iti Cornwall, England ti posisyon ti Orion capsule.
