LAOAG CITY – Nagballigi a nakatayab ti Artemis II lunar-mission manipod iti Kennedy Space Center idiay Florida.
Iti oras ti alas-6:30 ita a bigat oras iti Pilipinas a nag-take off ti Artemis II rocket a gagem na ti makarikos iti bolan kalpasan ti 50 a tawen.
Nakalugan ditoy dagiti crew a da Reid Wiseman, Victor Glover ken Christina Koch karaman ti Canadian Space Agency a ni Jeremy Hansen.
Daytoy ti kaunaan a crewed moon mission a naisayangkat sipud pay idi 1972.
Gagem daytoy a maartapan ti naibiyahe nga Apollo program no sadinno nga aglayag daytoy iti bisinidad ti bolan.
Sakbay iti panagtayab ket naurnus ti National Aeronautics and Space Administration (NASA) dagiti sumagmamano nga aberya nga adda ti pakainaigan iti SLS rocket’s flight termination system kasta met ti problema iti battery.
Addaan daytoy ti kapardas nga umabot iti 1,235 kilometers per hour agturong iti bolan.
