LAOAG CITY – Inpeksa ni Mr. Jonathan Salvador, vice president ti asosasyon dagiti pampasahero a jeepney nga addaan ti ruta a Laoag-Gabu ti arungaing da mainaig iti obserbasyon da kadagiti tricycle driver iti ili ti San Nicolas.
Daytoy ket pakaseknan iti maipagarop a panagilugan dagiti tricycle drivers kadagiti pasaheros a rumwar iti sentro ditoy ciudad ti Laoag.
Segun kenni Salvador, rumbeng a malapdan daytoy gapo ta adda ti naituding a pagiluganan dagiti tircycle drivers iti nasao nga ili kadagiti pasaheros da.
Inpetteng na a saan a mabalin nga agpidot dagitoy ti pasaheros iti national
Inlawlawag na a sipapalubos da nga agilugan dagiti tricycle drivers ti pasaheros a sumrek ditoy ciudad ngem liklikan da kuma ti agilugan no agsubli dan iti ili da.
Kunana pay a basar iti inatendaran na a seminar ket saan a sakop ti insurance no bilang maaksidente dagiti tricycle drivers iti national highway.
Kabayatanna, inpetteng ni Mr. Wilfred Ventura, ti presidente ti TODA iti Valdez Center iti ili ti San Nicolas a saan da nga agiluglugan ti pasaheros manipud ditoy ciudad ti Laoag a mapan iti nasao nga ili.
Sungbat na daytoy kalpasan ti obserbasyon dagiti sumagmamano a driver ti pampasahero a jeep nga addaan ti ruta a Laoag-Gabu nga agilugan dagiti traysikelan ti pasaheros a rumwar ditoy ciudad ti Laoag.
Inadmitir na a no dadduma ket agilugan da kadagiti pasaheros gapo ta agamak da no agreklamo dagitoy no a saan da nga ilugan dagitoy.
Nupay kasya, kuna ni Ventura nga agilugan da laeng kadagiti pasaheros no ipalubos dagiti nakapila gapo ta ipakada da nga ummuna kadagitoy kasanguanan nga agilugan da.
Inlawlawag na a saan da nga aramiden ti agilugan kadagiti pasaheros gapo ta iparparit da kadagiti driver manipud Laoag nga agilugan da no makita da dagitoy.
Innayon na a malaksid laeng no aggapo iti sabali a TODA ti makitkita dagiti drivers ditoy ciudad nga agilugan kadagiti pasaheros a mapan iti nasao nga ili.
