LAOAG CITY – Manamnama nga ipaayan ti Sang Panlungsod ditoy ciudad ti Laoag ti pammadayaw iti maysa nga atleta a nagballigi iti kaleplepas a Batang Pinoy 2024 a naangay idiay Puerto Princesa, Palawan.
Daytoy ket babaen ti naaprobaran a Draft city resolution no. SP-2024-214.
Segun kenni Sang Kabataang Federated President Michael Agustin, ti atleta a ni Ma. Cristine Joy Taliente, taga Barangay 31, Talingaan ditoy ciudad ti Laoag ket nakagun-od ti broze medal iti 400-meter running kalpasan a nairecord na ti maysa a minuto ken maysa a segundo a running time.
Inpetteng na a mangipakita daytoy iti dedikasyon ken talento ti nasao nga atleta nga uray limitado laeng ti nagbalin a training na ket kinabaelan na ti nakagun-od ti bronze medal.
