LAOAG CITY – Kinumpirmaran ni Department of the Interior and Local Government (DILG) Secretary Juanito Victor “Jonvic” Remulla nga agtaltalinaed ditoy pagilian ti pugante a negosiante a ni Charlie Atong Ang.
Daytoy ket kalpasan ti naipadamag a sightings ni Ang iti pagilian a saanna pay laeng nga inbuksilan ti naan-anay a detalye.
Inbatad ni Remulla, kalpasan ti nagbalin a report daytoy ket insigida a nangiwayat ti follow up operations dagiti otoridad no sadinno a personal a nakipaset ti sekretario ngem saanda a nadanon iti lugar ti pugante.
Inpasiguradona nga agtultuloy dagiti otoridad iti panangiwayat kadagiti manhunt operations kontra ken ni Ang basar iti raw intelligence reports a maaw-awatda.
Kabayatanna, kinumpirmaran ti sekretario nga adda ti kadua ni Ang a bukbuklen ti maysa a bassit a grupo.
