LAOAG CITY – Inrakurak ni US Acting Attorney General Todd Blanche nga adda ti tallo a federal charges a naipila kontra iti suspek iti napasamak a pammaltog iti White House Correspondents’ Dinner iti Washington D.C. idi rabii ti Sabado, Abril 25 ita a tawen.
Nabigbig ti suspek a maipagarop a maysa metlaeng nga assassin, a ni Cole Tomas Allen, agtawen ti 31 ken Master’s degree holder.
Karaman kadagiti kaso a naipila kontra kenkuana ket attempted assassination ken ni US President Donald Trump nga addaan ti pannusa a tungpal biag a pannakabalud ken dua a firearms offenses.
Indetalye met ni Blanche ti timeline sakbay a nangisayangkat ti suspek ti shooting incident idi weekend.
Kuna na nga idi Abril 6 ket nag-book ti suspek ti reservation iti Washington Hilton idinto nga idi Abril 21 ket nagbiyahe ti gunman manipod Los Angeles nagturong iti Chicago iti babaen ti tren, kalpasan na ket nagbiyahe manipod Chicago nagturong iti Washington D.C.
Idi Abril 24, simmangpet ti suspek iti Washington D.C. ken nag-check in iti Washington Hilton.
Idi Abril 25, a nakapasamakan ti shooting incident, immasideg ti gunman iti security checkpoint iti terrace level ti hotel, kalpasan na ket nagtaray a nagturong iti Magnetom nga armado ti atiddog a paltog ken ditoy a nangngeg ti service personnel a naka-assign iti checkpoint ti napigsa a putok ti paltog, no sadinno a maysa nga officer ti natamaan ti barukong na ngem nakalasat daytoy gapu iti suot na a ballistic vest.
Naaramid ti opisyal a pinaputukan ti suspek, anupay saan a natamaan ket bimmagsak iti ground ken dagus a naarestar.
Nakumpiskar manipod iti suspek ti semi-automatic handgun, maysa a pump-action shotgun ken tallo nga immuko.
Kabayatanna, iti isasango ti suspek iti korte iti Washington DC, saan a nangiserrek ti plea.
